អភិបាលខេត្តបន្ទាយមានជ័យ ចូលរួមពិធីសំណេះសំណាល និងផ្តល់អំណោយចាសជរា ៤០០នាក់ ក្នុងក្រុងប៉ោយប៉ែត
ពិធីសំណេះសំណាលជាមួយប្រជាពលរដ្ឋវ័យចាស់នៅក្រុងប៉ោយប៉ែត ខេត្តបន្ទាយមានជ័យ ចំនួន៤០០នាក់ ក្រោមអធិបតីភាព ឯកឧត្ដម កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ នារសៀលថ្ងៃទី០៩ ខែធ្នូ ឆ្នាំ២០២១។
ក្នុងឱកាសនោះ ឯកឧត្តម ឧបនាយករដ្ឋមន្រ្តី កែ គឹមយ៉ាន បានថ្លែងពាំនាំនូវការសួរសុខទុក្ខ និងជូនពរជ័យពី សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា សម្ដេចអគ្គមហាពញាចក្រី ហេង សំរិន ប្រធានរដ្ឋសភា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានកិត្តិយសគណៈកម្មាធិការជាតិកម្ពុជាដើម្បីមនុស្សចាស់ និងសម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ថ្វាយប្រគេននិងជូនចំពោះព្រះសង្ឃ ប្រជាពលរដ្ឋទាំងអស់ក្នុងខេត្តបន្ទាយមានជ័យទាំងអស់។
ក្នុងនាមក្រុមការងារនាឱកាសនោះដែរ ឯកឧត្ដម ឧបនាយករដ្ឋមន្ត្រី កែ គឹមយ៉ាន បានថ្លែងដោយសេចក្តីរីករាយ និងសូមកោតសរសើដោយស្មោះជូនចំពោះថ្នាក់ដឹកនាំខេត្ត ព្រមទាំងមន្រ្តីរាជការទាំងអស់ទូទាំងខេត្ត ក្រុមការងារគ្រប់ថ្នាក់ សប្បុរសជននានា វិស័យឯកជនទាំងអស់ ដែលបានចូលរួមសាមគ្គីគ្នា ក្នុងការរួមចំណែកជួយមនុស្សចាស់ឱ្យទទួលបាននូវការផ្គត់ផ្គង់ ការហូបចុក សំលៀកបំពាក់ ការថែទាំសុខភាព និងទទួលបាន នូវភាពកក់ក្តៅពីសង្គមជាតិ និងបង្កលក្ខណៈគ្រប់គ្រាន់ដល់មនុស្សចាស់ សម្រាប់ការអភិវឌ្ឍសង្គមជាតិយើងស្របតាមគោលនយោបាយរបស់រាជរដ្ឋាភិបាលកម្ពុជា។
ជាមួយគ្នានេះ ឯកឧត្តម ឧបនាយករដ្ឋមន្រ្តី កែ គឹមយ៉ាន បានអំពាវនាវនិងផ្តាំផ្ញេីឱ្យអាជ្ញាធរពាក់ព័ន្ធបង្កើនការយកចិត្តទុកដាក់គាំទ្រគ្រប់មធ្យោបាយលើកស្ទួយសុខុមាលភាពមនុស្សវ័យចាស់ ឱ្យកាន់តែល្អប្រសើរថែមទៀត ពិសេសការឧបត្ថម្ភគាំទ្រដល់ជនចាស់ជរាពិការភាពនៅតាមមូលដ្ឋានសហគមន៍ បន្តជួយគាំទ្រដល់សមាគមមូលនិធិមនុស្សចាស់ និងសមាគមមនុស្សចាស់នៅតាមសហគមន៍ ឃុំ-សង្កាត់ នៅក្នងក្រុង-ស្រុកនានានៅក្នុងខេត្តបន្ទាយមានជ័យ ក្នុងស្មារតីសាមគ្គីភាព ជួយគ្នាទៅវិញទៅមក ជាពិសេសមនុស្សចាស់ជរាពិការមនុស្សចាស់ជរា មានជំងឺ និងគ្មានទីពឹង។ អប់រំសីលធម៌ ទំនៀមទំលាប់ល្អ ដល់សិស្ស-និស្សិតឱ្យចេះគោរពនិងស្គាល់គុណតម្លៃមនុស្សវ័យចាស់ លើកទឹកចិត្តចំពោះមនុស្សក្មេងឱ្យស្ម័គ្រចិត្តជួយដល់មនុស្សចាស់ និងរៀបចំឱ្យមនុស្សគ្រប់វ័យទាំងអស់ធ្វើការជាមួយគ្នា និងការចែករំលែកបទពិសោធនិងចំណេះដឹងគ្នាទៅវិញទៅមក។
ជាមួយគ្នានេះដែរ ឯកឧត្តម ឧបនាយករដ្ឋមន្រ្តី កែ គឹមយ៉ាន បាននាំអំណោយចែកជូនមនុស្សវ័យចាស់ ស្ថិតនៅក្រុងប៉ោយប៉ែតប្រជាពលចូលរួមក្នុងម្នាក់ៗទទួលបានអាវរងា ១ ភួយ ១ ក្រម៉ា ១ ប្រេងកូឡា ១ តែ១កព្ចាប់ស្កសរ ១គីឡូក្រាម អំបិល ១កព្ចាប់ទឹកដោះគោ ១កប៉ុង ថវិកា២មុឺនរៀល។
នៅរសៀលថ្ងៃដដែលនេះដែរ ឯកឧត្ដម ឧបនាយករដ្ឋមន្ត្រី កែ គឹមយ៉ាន និងក្រុមការងារបានចុះពិនិត្យសមិទ្ធិផលរីកចម្រេីននានានៃវិទ្យាល័យនិម្មិតនិងបានផ្តល់អំណោយជាថវិកាដល់លោកគ្រូ អ្នកគ្រូ២៨នាក់ ម្នាក់ៗទទួលបានថវិកា២មុឺនរៀល និងផ្តល់ឧបការណ៍សម្រាប់លាងដៃ។
នៅល្ងាចថ្ងៃដដែលនេះផងដែរ ឯកឧត្តម ឧបនាយករដ្ឋមន្រ្តី កែ គឹមយ៉ាន បានជួបសំណេះសំណាលជាមួយប្រជាពលរដ្ឋមានជីវភាពខ្វះខាតចំនួន២១២នាក់ ស្ថិតនៅក្រុងប៉ោយប៉ែតនិងបាននាំអំណោយចែកជូនក្នុងម្នាក់ៗទទួលបានអាវរងា ១ ភួយ ១ ក្រម៉ា ១ ប្រេងកូឡា ១ តែ១កព្ចាប់ស្កសរ ១គីឡូក្រាម អំបិល ១កព្ចាប់ទឹកដោះគោ ១កប៉ុង អង្ករ២៥គីឡូក្រាម ទឹកត្រី១យួរ ទឹកសុីអុីវ១យួរ មី១កេស និងថវិកា២មុឺនរៀលផងដែរ៕
