អគ្គីភ័យឆាបឆេះអគារស្នាក់នៅបុគ្គលិកជាន់ទី៥ នាវឈាន ឈានហ្សឺហ្វនៃកាស៊ីណូមេចេស្ទី

(ព្រះសីហនុ)៖ មានករណីគ្រោះអគ្គីភ័យឆាបឆេះអគារស្នាក់នៅបុគ្គលិកជាន់ទី៥ នាវឈាន ឈានហ្សឺហ្វនៃកាស៊ីណូមេចេស្ទី វេលាម៉ោង ១១:១០នាទី ថ្ងៃទី២៨ ខែមករា ឆ្នាំ២០២៥ ត្រង់ចំណុចផ្លូវដំណាក់ស្ដេច ស្ថិតក្នុងភូមិ២ សង្កាត់លេខ៣ ក្រុងព្រះសីហនុ។

កម្លាំងជំនាញនៃការិយាល័យជំនួយមនុស្សធម៌ និងសង្គ្រោះគ្រោះមហន្តរាយ កងរាជអាវុធហត្ថខេត្តចំនួន ១១នាក់ រថយន្តពន្លត់អគ្គីភ័យចំនួន ០១គ្រឿង ដឹកនាំលោកវរសេនីយ៍ត្រី ឆឹម ផល្លី នាយការិយាល័យ សហការជាមួយកម្លាំងសមត្ថកិច្ច និងក្រុមជំនួយសង្រ្គោះចម្រុះពាក់ព័ន្ធក្នុងខេត្តចេញជួយអន្តរាគមន៍គ្រប់គ្រងបាញ់ទឹកពន្លត់ភ្លើង នៅទីតាំងកន្លែងកើតហេតុ។

ប្រតិបត្តិការសង្គ្រោះនេះមានរថយន្តពន្លត់អគ្គីភ័យ ចំនួន ០៨គ្រឿងប្រើប្រាស់ទឹកអស់ ០៣ឡាន ឆេះខូចខាតចំនួន ០២បន្ទប់ និងសម្ភារៈឆេះអស់ទាំងស្រុងតែមិនបង្កឱ្យមនុស្សរងរបួស ឬមានគ្រោះថ្នាក់ដល់អាយុជីវិតឡើយ៕