FIFA បន្ថែមទណ្ឌកម្មលើលោក Blatter រហូតដល់ឆ្នាំ២០២៨
ពិភពលោក ៖សហព័ន្ធបាល់ទាត់ពិភពលោក(FIFA) បានសម្រេចដាក់បម្រាមដល់អតីតប្រធានចាស់លោក Sepp Blatter មិនឲ្យប៉ះពាល់បាល់ទាត់រហូតដល់ឆ្នាំ ២០២៨ បន្ទាប់ពីបានបន្ថែមពីលើទណ្ឌកម្មចាស់រយៈពេល៦ឆ្នាំ ៨ខែបន្តទៀត។
ចំណែកអតីតអគ្គលេខាធិការ FIFA លោក Jerome Valcke វ័យ៦០ឆ្នាំ បានទទួលបំរាមស្រដៀងគ្នានេះដែរដោយពួកគេទាំងពីរក៏ត្រូវបានពិន័យជាប្រាក់ ៧៨០,០០០ផោនថែមទៀតផង។
ការបន្ថែមបម្រាមខាងលើនេះមានន័យថា បុរសវ័យ ៨៥ឆ្នាំ Blatter ពុំមានសិទ្ធិធ្វើសកម្មភាពទាំងឡាយណាទាក់ទងនឹងបាល់ទាត់រហូតដល់ឆ្នាំ២០២៨ ដែលបន្ថែមទណ្ឌកម្មចាស់នឹងផុតកំណត់នៅខែតុលា ឆ្នាំ២០២១ នេះពីបទ «ប្រព្រឹត្តអំពើពុករលួយក្នុងស្ថាប័នដែលពុំគិតប្រាក់កំរ៉ៃមួយនេះនាពេលកន្លងមក»។ ដោយឡែកលោក Jerome Valke ត្រូវបាន FIFA ដាក់បម្រាមបន្ថែមរហូតដល់ខែតុលា ឆ្នាំ២០២៥៕