ការប្រមូលផលស្រូវជាលើកទី២របស់ប្អូនប្រជាកសិករនាឆ្នាំនេះ បើប្រៀបធៀបទៅនិងឆ្នាំមុន គឺអាចនិយាយបានថាឆ្នាំនេះតម្លៃខ្ពស់ជាងឆ្នាំមុន

ខេត្តបាត់ដំបង៖ ដំណាក់កាលទី២នៃការប្រមូលផលស្រូវរបស់ប្រជាកសិករគឺជាក្តីរីករាយបំផុតខណះដែលពួកគាត់បាននាំគ្នាយកផលស្រូវដែលពួកគាត់ប្រមូលបានទាំងនោះសម្រុកលក់ឲ្យសហគមន៍ក្រុមហ៊ុនបៃតងក្នុងហាងឆេងមួយដែលលើសពីតម្លៃទីផ្សារបច្ចុប្បន្នដែលឈ្មួញដើរទិញស្របពេលការប្រមូលផលជាលើកទី២មិនសូវល្អផង។
ប្រជាកសិករម្នាក់ក្នុងចំណោមប្រជាកសិករជាច្រើនគ្រួសារផ្សេងទៀតគឺលោករស់ ផែន រស់នៅក្នុងស្រុកបវេលខេត្តបាត់ដំបងបានរៀបរាប់ឲ្យដឹងថា ឆ្នាំនេះលោកបានធ្វើស្រែក្នុងផ្ទៃដីចំនួន១០ហិកតា ។ ខណះដែលនៅតំបន់របស់លោកទទួលអំណោយផលទឹកបានល្អទាំងស្រូវក្នុងដំណាក់កាលទី១និងទី២ គឺលោកអាចទទួលផលបានច្រើនជាងឆ្នាំកន្លងទៅដោយក្នុង១ហិកតាប្រមូលផលបានចាប់ពី៤ទៅ៥តោនក្នុង១ហិកតា។

ពាក់ព័ន្ធនិងទីផ្សារវិញកាលពី១សប្តាហ៍មុនស្រូវបានតម្លៃ១លាន១សែនរៀលក្នុងមួយតោនប៉ុន្តែបច្ចុប្បន្នហាងឆេងធ្លាក់ទាបបន្តិចលក់បានតម្លៃត្រឹមតែចំនួន១លាន១៤០០រៀលប៉ុណ្ណោះក្នុង១តោនខណះគ្រាប់ស្រូវមានក្តៀបខ្លះ ។ តម្លៃខាងលើនេះបើគណនានិងប្រាក់ថ្លៃដើមគឺមិនសូវចំណេញច្រើនទេព្រោះស្រូវចុងរដូវអំណោយផលមិនសូវល្អដូចជាមានក្តៀបគ្រាប់ស្រូវបន្តិចប៉ុន្តែបើទោះបីជាបែបណាក៏ពួកគាត់ជាកសិករពេញចិត្តដោយសារស្រូវមានតម្លៃល្អតាមរយះការប្រមូលទិញពីសហគន៍នៅដើមរដូវប្រមូលផលនេះ។

ចំណែកលោកជំទប់ទី១ឃុំខ្នាចរមាសស្រុកបវេលបានលើកឡើងដែរថា÷នៅក្នុងមូលដ្ឋានរបស់លោកភាគច្រើនកសិករប្រមូលផលស្រូវលក់មកឲ្យសហគមន៍ដែលឈរទិញឲ្យក្រុមហ៊ុនបៃតងក្នុងមួយរដូវៗកសិករប្រមូលស្រូវផ្គត់ផ្គង់ចូលទីផ្សារបានប្រមាណជាជាង៣ម៉ឺនតោនក្នុង១រដូវ។

គួរបញ្ជាក់ផងដែរថា: ក្រោយពីរដ្ឋាភិបាលក៏ដូចជាក្រសួងជំនាញបានរៀបចំឲ្យស្រូវមានទីផ្សារតម្លៃល្អប្រសើរ ក្នុងរយះពេលចុងក្រោយនេះបានធ្វើឲ្យជីវភាពរបស់ប្រជាកសិករក្នុងសហគមន៍មានភាពល្អប្រសើរជាបន្តបន្ទាប់រហូតបច្ចុប្បន្នបើទោះបីក្នុងដំណាក់កាលកូវីត១៩ក៏ដោយចុះ។

លោកជំទុបទី១ឃុំក៏បានសំណូមពរដល់ប្រជាកសិករផងដែរអោយចូលរួមលក់ស្រូវឲ្យសហគមន៍(ក្រុមហ៊ុនបៃតង)ដែលបានទទួលទិញទូលាយមិនកំណត់ចំនួនហើយមានតម្លៃខ្ពស់ឋិតថេរមិនឡើងចុះនឹងមិនទម្លាក់ថ្លៃដូចឈ្មួញឡើយហើយសហគមន៍តែងជួយទិញស្រូវពីកសិកររហូតបើទោះបីស្រូវអន់បន្តិចក៏ដោយចុះ។

ពាក់ព័ន្ធនិងបញ្ហារនេះដែរ លោក ឈឹម វជ្ជរ៉ា ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តបាត់ដំបងបានបញ្ជាក់សង្ខេបនាល្ងាច ថ្ងៃ២៩ ខែកញ្ញា នាឆ្នាំ២០២០នេះ ចំណុចសំខាន់ថា ឆ្នាំនេះស្រូវនៅក្នុងចំណោមដែលកសិករដាំដុះបានចំនួន១៦ម៉ឺន៤០០០ហិកតា។

ហើយផលដែលកសិករចុះប្រមូលបានមានចំនួន១៣ម៉ឺន២៦០០ហិកតា។ ហើយដំណាក់កាលស្រូវស្រាលសែនក្រអូបដើមរដូវឆ្នាំនេះបើទោះជាមានកូនរដូវប្រាំងកើតមានខ្លះក៏នៅសល់ផលមួយចំនួនមានតម្លៃបច្ចុប្បន្នខ្ពស់ជាងឆ្នាំចាស់ដែរ ។
លោកប្រធានបានបញ្ជាក់ផងដែរថា បើទោះបីក្នុងរយះពេល៣/៤ថ្ងៃកន្លងមកនេះស្រូវបានធ្លាក់ថ្លៃបន្តិចពីតម្លៃជាង ១លាន២សែនរៀលមកនៅត្រឹមតម្លៃចន្លោះពី១លាន៥ម៉ឺនទៅ១លាន៦ម៉ឺនរៀលក៍ពិតមែន ការថយចុះនូវតម្លៃបែបនេះក្តីក៏មិនទាន់ធ្វើឲ្យកសិករយើងខកចិត្តនោះដែរ ព្រោះតម្លៃស្រូវក្នុងទីផ្សារក្រៅប្រទេសក៏ធ្លាក់ទាបផងដែរស្របនិងស្រូវចុងរដូវដែលកសិករយើងធ្វើ និងកំពុងប្រមូលផលបាននាឆ្នាំនេះ ហើយប្រជាកសិករទាំងអស់ ពួកគាត់ក៍ព្រមទទួលស្គាល់ និងទទួលយកបានដែរ ៕ ដោយ រស្មីស្ទឹងសង្កែ និង pnctv online