អគ្គីភ័យឆាបឆេះស្លាប់ ២នាក់នៅទួលគោក បណ្តាលមកពីជនជាតិបារាំងចាក់សម្លាប់សង្សារជានារីខ្មែរជាច្រើនកាំបិតរួចដុតសម្លាប់ខ្លួនឯង

(ភ្នំពេញ)៖ អគ្គីភ័យដែលបានឆាបឆេះផ្ទះយ៉ាងសន្ធោសន្ធៅ ស្លាប់មនុស្ស ២នាក់នៅខាងត្បូងអង់តែនទួលគោកនោះ បណ្ដាលមកពីបុរសជាជនជាតិបារាំងចាក់សម្លាប់ស្ត្រីខ្មែរជាសង្សារជាច្រើនកាំបិតរួចដុតសម្លាប់ខ្លួនឯង។

ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង ១១:២៥នាទីព្រឹក ថ្ងៃទី៣០ ខែវិច្ឆិកា ឆ្នាំ២០២៤ នៅចំណុចផ្ទះលេខ៤៦ ផ្លូវលេខ ៥៥៨ សង្កាត់បឹងកក់ទី១ខណ្ឌទួលគោក រាជធានីភ្នំពេញ។

ជនជាតិបារាំងដែលចាក់សម្លាប់ស្ត្រីជាសង្សារ រួចដុតសម្លាប់ខ្លួនឯងឈ្មោះ DERAI JEROME MARCEL LEON ភេទប្រុស អាយុ ៥៦ឆ្នាំ មុខរបរ អ្នកធ្វើនំភីស្សា (ជាអ្នកជួលបន្ទប់)។ ចំណែកនារីរងគ្រោះឈ្មោះណី ស្រីអូន  អាយុ ២២ឆ្នាំ ជនជាតិខ្មែរ មុខរបរ រៀនធ្វើសក់ និងធ្វើក្រចក៕