បុរសម្នាក់បានស្លាប់ភ្លាមៗនៅនឹងកន្លែងកើតហេតុ និងម្នាក់ទៀតរងរបួសត្រូវដៃ

(ក្រុងព្រះសីហនុ)៖ (ព័ត៌មានបឋម) មានករណីជម្លោះពាក្យសម្ដីគ្នាឈានដល់ប្រើហិង្សាបណ្ដាលឱ្យបុរសម្នាក់ស្លាប់ភ្លាមៗនៅនឹងកន្លែងកើតហេតុ និងម្នាក់ទៀតរងរបួសដៃ ហេតុការណ៍នេះនៅម្តុំភូមិដូង ស្ថិតក្នុងសង្កាត់លេខ៤ ក្រុងព្រះសីហនុ វេលាម៉ោងជាង៥ល្ងាចនាថ្ងៃទី០៧ ខែតុលា ឆ្នាំ២០២៤ ករណីនេះសមត្ថកិច្ចកំពុងអន្តរាគមន៍នៅទីតាំងកើតហេតុ។

ជុំវិញហេតុការណ៍ខាងលើនេះសមត្ថកិច្ចមិនទាន់បញ្ជាក់ថា ជាករណីអ្វីនៅឡើយទេបានឈានដល់ការប្រើហិង្សាបណ្ដាលឱ្យមានអ្នកស្លាប់បែបនេះ។

រីឯសាកសពត្រូវបានរថយន្តមន្ទីរពេទ្យបង្អែកខេត្តព្រះសីហនុដឹកយកទៅតម្កល់ទុកដើម្បីសមត្ថកិច្ចធ្វើកុសលវិច្ច័យរួចប្រគល់ជូនទៅក្រុមគ្រួសារសាច់ញាតិធ្វើបុណ្យតាមប្រពៃណី។