រន្ធត់! រថយន្ត៣គ្រឿងបុកគ្នាក្រឡាប់ទាំង៣បណ្ដាលឱ្យឆេះស្លាប់ម្នាក់

ហេតុការណ៍នេះបានកើតឡើងនៅផ្លូវថៃហ្គ័រទល់មុខរោងចក្រស្រាបៀរ HEINEKEN ក្នុងសង្កាត់ព្រែកឯង ខណ្ឌច្បារអំពៅ នៅវេលាម៉ោងជាង១១យប់ ថ្ងៃទី២៥ ខែមករា ឆ្នាំ២០២៥។ 

ក្នុងហេតុការណ៍នោះ រថយន្ត ហាយលែនឌឺ (Highlander) មួយគ្រឿង មានបុរសម្នាក់បានស្លាប់ជាប់ក្នុងរថយន្ត និងរថយន្តអាល់ហ្វាត (ALPHARD) មួយគ្រឿងក្រឡាប់ឆេះសល់តែគ្រោងឆ្អឹងចំណែករថយន្ត អាល់ហ្វាត (ALPHARD) ពណ៌ខ្មៅមួយគ្រឿងទៀតក្រឡាប់ធ្លាក់ផ្លូវ និងមានស្នាមឈាមប្រលាក់ក្នុងរថយន្តផងដែរ។

សូមបញ្ជាក់ផងដែរថា ភ្លាមៗគេឃេីញមានរថយន្តពន្លត់អគ្គិភ័យរបស់សាលាខណ្ឌច្បារអំពៅ និងរថយន្តពន្លត់អគ្គិភ័យរបស់បុរីប៉េងហួតរួមទាំងរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តកណ្ដាលបានជួយអន្តរាគមន៍នៅកន្លែងកេីតហេតុផងដែរ។ (ព័ត៌មានបឋម)