ទណ្ឌិត អុឹង លីប៉េង ធ្វើការឃោសនាអកុសល មួលបង្កាច់ បរិហារកេរ្តិ៍ដោយគ្មានមូលដ្ឋាន
បេីតាមការលេីកឡេីងរបស់មេធាវី ជ្រ គីមហេង តំណាងដោយអាណត្តិរបស់ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន បានរៀបរាប់ និងបំភ្លឺដូចមានក្នុងលិខិតបំភ្លឺ ចុះថ្ងៃទី១៨ ខែវិច្ឆិកា ឆ្នាំ២០២៤ ថា ក្នុងបណ្ដឹងរបស់ កូនក្ដីនៅតុលាការរាប់ពីសាលាដំបូង រហូតដល់តុលាការកំពូលបានសម្រេចឱ្យកូនក្ដីរបស់ខ្លួនឈ្នះគ្រប់ជាន់ថ្នាក់ និងបានផ្ដន្ទាទោសឈ្មោះ អុឹង លីប៉េង ផងដែរ។
ក្នុងអំឡុងសាលដីកាជាស្ថាពរ និងសម្រេចផ្ដន្ទាទោសលេីឈ្មោះ អុឹង លីប៉េង របស់សាលាដំបូង និងតុលាការកំពូលប៉ុន្តែឈ្មោះ អុឹង លីប៉េង បានរត់គេចខ្លួនមិនដឹងនៅទីណា ក៏ប៉ុន្តែទណ្ឌិត អុឹង លីប៉េង បានបន្ដធ្វើការឃោសនាអកុសលតាមបណ្ដាញសង្គម បំភ្លៃ និងមួលបង្កាច់បង្ខូចកិត្តិយសកូនក្ដីរបស់ខ្លួនម្យ៉ាងទៀតក្នុងនាមជាមេធាវីតំណាងដោយអាណត្តិរបស់កូនក្ដី សូមធ្វេីការបំភ្លឺដេីម្បីរក្សាបាននូវភាពស្អាតស្អំជូនកូនក្ដីរបស់ខ្លួន។
គួររំលឹកផងដែរថា កន្លងមកទណ្ឌិត លីប៉េង តែងតែធ្វេីការចោទប្រកាន់ បរិហារកេរ្តិ៍មកលេីឯកឧត្ដម អ៊ាង សុផល្លែត ទាំងគ្មានមូលដ្ឋាន និងមិនមែនជាការពិតនោះទេក្នុងន័យនេះ ឈ្មោះ អុឹង លីប៉េង ដែលជាទណ្ឌិតត្រូវបានតុលាការកំពុងស្វែងរកមុខដេីម្បីយកមកអនុវត្តតាមនីតិវិធីច្បាប់ដែលបានឃោសនា អកុសល បង្កាច់បង្ខូចឈ្មោះអ្នកដទៃបង្កឱ្យមានការយល់ច្រឡំពីមហាជនដូច្នេះមេធាវីតំណាងដោយអាណត្តិ សូមអំពាវនាវដល់សារធារណជន និងអ្នកសារព័ត៌មានជាតិ-អន្ដរជាតិ មេត្ដាជ្រាបជាព័ត៌មាន និងសូមឱ្យមហាជន និងអ្នកសារព័ត៌មាន កុំមានការយល់ច្រឡំ។
