ថៃរញ្ជួយដីផង ភ្លើងឆេះព្រៃផង! ភ្លើងឆេះព្រៃនៅខេត្តឡាំប៉ាងក្នុងមួយថ្ងៃរាលដាលជាង ១,០០០ រ៉ៃ (ប្រមាណជិត ២km) បង្កឱ្យមានខ្យល់បំពុលធ្ងន់ធ្ងរដែលបង្កគ្រោះថ្នាក់ដល់សុខភាពពលរដ្ឋថៃ

តាំងពីខែកុម្ភៈមកដល់ពេលនេះ (២៩ មីនា) នៅខេត្តឡាំប៉ាង ប្រទេសថៃ មន្ត្រីពន្លត់អគ្គីភ័យថៃនៅតែប្រតិបត្តិការពន្លត់អគ្គីភ័យទាំងយប់ទាំងថ្ងៃនៅក្នុងតំបន់ផ្សេងៗនៃខេត្តឡាំងប៉ាងចំពេលអាកាសធាតុក្តៅខ្លាំង។ សីតុណ្ហភាពមានលើសពី ៤០អង្សាសេហើយភ្លើងឆេះព្រៃកំពុងកើតឡើងយ៉ាងខ្លាំងក្នុងអំឡុងពេលនេះ អាកាសធាតុក្តៅបង្កឱ្យមានភ្លើងឆេះ ខ្យល់បក់រាលដាលយ៉ាងឆាប់រហ័សប៉ុន្តែមូលហេតុទាំងអស់នៅតែបណ្តាលមកពីមនុស្សចូលព្រៃហើយដុតរួមទាំងបរបាញ់សត្វ និងស្វែងរកអនុផលព្រៃឈើទោះបីជាខេត្តបានចេញសេចក្តីប្រកាសហាមក៏ដោយ។

បញ្ហានេះបានធ្វើឱ្យស្ថានភាពផ្សែងអ័ព្ទជាបញ្ហាបន្តក្នុងតំបន់ចាប់តាំងពីខែកុម្ភៈ ឆ្នាំ២០២៥ រហូតដល់ខែមីនា ខេត្តឡាំប៉ាងបានរាយការណ៍ថា ចំនួនភ្លើងឆេះព្រៃបានកើនឡើងទ្វេដងធៀបនឹងថ្ងៃ២៦ មីនា ដោយភ្លើងឆេះចំនួន ១៤៩ចំណុចបានរាលដាលទូទាំង ១៣ស្រុក ជាលើកទី២ នៅក្នុងប្រទេស។ ថ្ងៃ២៧ ខែមីនា ឆ្នាំ២០២៥ ចំនួនបានកើនឡើងដល់ ៣៥៤ចំណុចក្លាយជាលំដាប់ទីពីរក្នុងប្រទេសបន្ទាប់ពីក្រុងម៉ែហងសន ដែលមានភ្លើងឆេះចំនួន ៤៤៣ចំណុច, ខេត្តឡាំប៉ាងភ្លើងឆេះព្រៃ ៣៥៤ចំណុច, ខេត្តណាន ២៥៨ចំណុច និងខេត្តផែចំនួន ២៣០ចំណុចដោយសារផ្សែងអ័ព្ទបូកផ្សំនឹងធូលីគ្របដណ្តប់ខេត្តឡាំប៉ាង និងតំបន់ទូទៅទូទាំងខេត្តក្នុងកម្រិតក្រហមបង្កឱ្យគុណភាពខ្យល់អាក្រក់ធ្ងន់ធ្ងរប៉ះពាល់ដល់សុខភាព។

យោងតាម PM2.5 ពីស្ថានីយ៍ត្រួតពិនិត្យគុណភាពខ្យល់ស្វ័យប្រវត្តិនៃនាយកដ្ឋានត្រួតពិនិត្យការបំពុលបានរកឃើញថា ខ្យល់បំពុលក្នុងខេត្តឡាំប៉ាងស្ថិតក្នុងកម្រិតក្រហមដែលលើសពីដែនកំណត់ ៨០-១០០មីក្រូក្រាមក្នុងមួយម៉ែត្រគូបសម្រាប់រយៈពេល ៦ថ្ងៃជាប់ៗគ្នាគ្រប់ទីកន្លែងរហូតក្លាយពលរដ្ឋថៃនៅតំបន់ទាំងនោះដកដង្ហើមជាមួយនឹងខ្យល់បំពុលជាទម្លាប់ទៅហើយ។ ប្រជាពលរដ្ឋថៃបានត្រឹមតែបញ្ចេញមតិរិះគន់ និងជំរុញឱ្យភ្នាក់ងាររដ្ឋាភិបាលតាមរយៈប្រព័ន្ធផ្សព្វផ្សាយសង្គមឱ្យដោះស្រាយបញ្ហាដែលកើតឡើងយ៉ាងឆាប់រហ័សព្រោះយើងរស់នៅក្នុងសភាពបែបនេះជាយូរមកហើយ។

ស្ថាប័នពាក់ព័ន្ធទាំងមន្ត្រីរដ្ឋបាលព្រៃឈើនៃឧទ្យានជាតិ និងការិយាល័យគ្រប់គ្រងព្រៃឈើថៃរួមទាំងអង្គភាពរដ្ឋបាលព្រៃឈើ និងក្រុមអ្នកពន្លត់អគ្គីភ័យស្ម័គ្រចិត្តបានធ្វើការយ៉ាងលំបាកក្នុងកាលៈទេសៈអាកាសធាតុក្តៅខ្លាំងនៅក្នុងខេត្តទាំងមូល ភ្លើងឆេះព្រៃដែលរងការខូចខាតជាង ១,០០០រ៉ៃ (ប្រមាណ ២Km) ជារៀងរាល់ថ្ងៃបង្កើតជាល្អងធូលីយ៉ាងក្រាស់គ្របដណ្តប់លើតំបន់ក្នុងលក្ខខណ្ឌភូមិសាស្ត្រនៃខេត្តឡាំប៉ាងរហូតដល់តំបន់ជាច្រើនក្នុងប្រទេសថៃ៕

ប្រភពពីវេបសាយ Matichon របស់ថៃ