Breaking News ៖ យន្តហោះរបស់ក្រុមហ៊ុន Singapore Airlines ចុះចតជាបន្ទាន់នៅទីក្រុងបាងកកបណ្តាលឱ្យមនុស្សម្នាក់ស្លាប់ និងរងរបួស៣០នាក់

(ទីក្រុងបាងកក)៖ បើយោងតាមសារព័ត៌មាន Reuters ចេញមុននេះបន្តិចនាល្ងាចថ្ងៃទី២១ ខែឧសភា ឆ្នាំ២០២៤ នេះបានឱ្យដឹងថា យន្តហោះរបស់ក្រុមហ៊ុន Singapore Airlines ធ្វើការចុះចតជាបន្ទាន់នៅទីក្រុងបាងកកបណ្តាលឱ្យមនុស្សម្នាក់ស្លាប់ និងរងរបួស៣០នាក់ ។

សូមបញ្ជាក់ថា៖ យន្តហោះ Singapore Airlines ដែលធ្វើការចុះចតជាបន្ទាន់គឺជាជើងហោះហើរពីទីក្រុងឡុងដ៏ប្រទេសអង់គ្លេសទៅកាន់ប្រទេសសឹង្ហបុរីតែបង្ខំចុះចតជាបន្ទាន់នៅទីក្រុងបាងកក។

សារព័ត៌មាន Reuters ផ្សាយថា ៖ យន្តហោះជាប្រភេទ Boeing777-300ER ដឹកអ្នកដំណើរ២១១នាក់ សហសេវិកសរុប១៨នាក់។ ចំពោះបញ្ហាអ្វីមិនទាន់ត្រូវបានបញ្ជាក់នៅឡើយ ។ សូមរងចាំតាមដានព័ត៌មានលម្អិតនៅពេលក្រោយ៕