ទីតាំងហ្គេមបាញ់ត្រីដ៏ធំក្នុងខារ៉ាអូខេដែលមានឈ្មោះស្លាកយីហោ (ទីហោវ KTV )ស្ថិតនៅខេត្តបន្ទាយមានជ័យតែសមត្ថកិច្ចពាក់ព័ន្ធក្នុងមូលដ្ឋានមិនហ៊ានធ្វើការបង្រ្កាប

បន្ទាយមានជ័យ ៖ មហាជនជាច្រើនកំពុងតែនាំគ្នារិះគន់ថា ទីតាំងបើកល្បែងស៊ីសង(ទូហ្គេមបាញ់ត្រីដ៏ធំក្នុងទីហោវ (KTV ) ស្ថិតនៅសង្កាត់និងក្រុងប៉ោយប៉ែត ខេត្តបន្ទាយមានជ័យកំពុងបើកដំណើរការស្វាគមន៍អតិថិជនមកពីគ្រប់មជ្ឈដ្ឋានហើយដំណើរការយ៉ាងរលូនតែបែរជាអាជ្ញាធរមានសមត្ថកិច្ចមូលដ្ឋានក្នុងសង្កាត់ក្រុងប៉ោយប៉ែតមិនមានវិធានការទប់ស្កាត់ឬក៏ជាឆ្នាំងបាយទើបមិនហ៊ានធ្វើការបង្ក្រាប។ប្រជាពលរដ្ឋកំពុងតែរិះគន់ចំៗ ទៅអាជ្ញាធរសង្កាត់ក្រុងប៉ោយប៉ែតថា ប្រហែលជាអសមត្ថភាពក្នុងការបង្ក្រាបហើយមើលទៅបានជានៅតែបណ្ដែតបណ្ដោយឱ្យមានការបើកលេងយ៉ាងពេញទំហឹងនៅក្នុងដែនរបស់ខ្លួនបែបនេះ។

ដើម្បីធ្វើការបង្ក្រាបទីតាំងហ្គេមបាញ់ត្រីដ៏ធំមួយកន្លែងនេះហើយជាការចូលរួមទប់ស្កាត់នូវការរីករាលដាលពីជំងឺកូវីត(ដែលតាបំលែងខ្លួនថ្មី) ឬ(អូមីក្រុង) ព្រោះ ថាប្រមុខរាជរដ្ឋាភិបាលថ្នាក់ដឹកនាំកំពុងតែមានវិធានការទប់ស្កាត់និងការចូលរួមគោរពទៅតាមការណែនាំរបស់ក្រសួងសុខាភិបាល ៣កុំ ៣ការពារដើម្បីរក្សាគម្លាត។

ដោយសារតែគោរពតាមការណែនាំរបស់ថ្នាក់ដឹកនាំក៏ដូចជាក្រសួងសុខាភិបាលទើបប្រជាពលរដ្ឋនិងមហាជនជាច្រើនមានការព្រួយបារម្ភជាខ្លាំងខណៈពេលឃើញក្រុមអ្នកញៀនល្បែងទាំងនោះប្រមូលផ្តុំគ្នាចូលមកលេងល្បែងស៊ីសង ហ្គេមបាញ់ត្រីជារៀងរាល់ថ្ងៃបែរជាអាជ្ញាធរមានសមត្ថកិច្ចក្នុងមូលដ្ឋានហាក់បីដូចជាមិនយកចិត្តទុកដាក់និងចូលរួមទប់ស្កាត់គ្មានចំណាត់ការណាចុះបង្រ្កាបទាល់តែសោះឬ មួយមានការបើកភ្លើងខៀវ។

ប្រភពដដែលបានបន្តថា រាល់ថ្ងៃនេះពួកគាត់មានការព្រួយបារម្ភចំពោះសុវត្ថិ ភាពរបស់ពួកគាត់ ព្រោះថាបើទីកន្លែងណាមានបើកល្បែងស៊ីសងទីកន្លែងនោះមិនយូរទេនឹងកើតមានអំពើចោរកម្មដូចជា លួច ឆក់ ប្លន់ និងគាស់ផ្ទះ កើតឡើងជាក់ជាមិនខានជាពិសេសទីតាំងមួយកន្លែងនេះគឺសម្បូរទៅដោយជនញៀនថ្នាំ និងអាចការឆ្លងរីករាលដាលដោយសារមានការជួបជុំគ្នា។

ប្រជាពលរដ្ឋនិងមហាជនកំពុងគិតថា អធិការក្រុងប៉ោយប៉ែត ខេត្តបន្ទាយមាន ជ័យ ប្រហែលជាអសមត្ថភាពក្នុងការចុះបង្ក្រាបហើយមើលទៅទើបនៅតែបណ្តែតបណ្ដោយឱ្យមានការបើកលេងគួរតែមានវិធានការណាមួយចុះបង្ក្រាបទីតាំងល្បែងស៊ីសង ហ្គេមបាញ់ត្រីដ៏ធំជាច្រើនទូមួយកន្លែងនេះផង ជៀសវាងមានការរិះគន់ ចំៗពីបងប្អូនប្រជាពលរដ្ឋមហាជនជាច្រើនដាក់ការសង្ស័យទៅលើអាជ្ញាធរមូលដ្ឋាន៕