សម្តេចតេជោ ប្រកាសជួយសាច់ប្រាក់បន្តដល់ក្រុមគ្រួសារក្រីក្រជុំទី៤ ដោយអនុវត្តចាប់ពីរខែមករាខាងមុខនេះតទៅ
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្តកម្ពុជា បានប្រកាសឲ្យដឹងថាកម្មវិធីជួយឧបត្ថម្ភសាច់ប្រាក់ជូនដល់ប្រជាពលរដ្ឋក្រីក្រ និងងាយរងគ្រោះដោយជំងឺកូវីដ១៩ សម្រាប់ជុំទី ៣ នឹងត្រូវបញ្ចប់នាថ្ងៃទី ៣១ ខែធ្នូ ឆ្នាំ ២០២០ខាងមុខនេះ ក៏ប៉ុន្តែដោយមើលឃើញសភាពការណ៍នេះមិនទាន់ធូរស្រាលនៅឡើយ ក្នុងនាមរាជរដ្ឋាភិបាលសម្តេចបានសម្រេចប្រកាសបន្តផ្តល់ឧបត្ថម្ភសាច់ប្រាក់នេះសម្រាប់ជុំទី៤ គិតចាប់ពីខែ មករា កុម្ភៈ និងខែ មីនា ឆ្នាំ២០២១ នេះជាបន្តទៀត ។
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាមានប្រសាសន៍ថ្លែងសារជូនចំពោះជនរួមជាតិពាក់ព័ន្ធនឹងបញ្ហាកូវីដ-១៩ និងការទិញវ៉ាក់សាំង នៅព្រឹកថ្ងៃទី ១៥ ខែធ្នូឆ្នាំ ២០២០ នេះសម្តេចបានបញ្ជាក់ថា រដ្ឋាភិបាលកម្ពុជាបានបើកប្រាក់ឧបត្ថម្ភជូនដល់ប្រជាពលរដ្ឋក្រីក្រ និងងាយរងគ្រោះដោយជំងឺកូវីដ១៩ បានចំនួន៣ ជុំ រួចមកហើយគិតចាប់ពីខែ មិថុនា កន្លងមក ។
ក្នុងនោះ ជុំទី ១ គឺចាប់ពីខែ មិថុនា បានចែកជូនផ្គត់ផ្គង់គ្រួសារចំនួន ជាង ៥៣ ម៉ឺនគ្រួសារ ដែលត្រូវចំណាយលុយប្រមាណ ២៥ លានដុល្លារ រហូតដល់ ខែកក្កដា រកឃើញបន្ថែមទៀតនាំឲ្យចំនួនគ្រួសារក្រីក្រឡើងដល់ជាង ៥៩ម៉ឺនគ្រួសារ ហើយក៏អាចថាមានការពាក់ព័ន្ធជាមួយនឹងការធ្លាក់ចុះក្រ ១ ក្រ ២ ដែលពេលនោះត្រូវបើកអស់លុយ ជិត ៣០លានដុល្លារ ។
សម្រាប់ ជុំទី ២ បានចែកនា ខែសីហា និងកញ្ញា ក្នុងនោះខែសីហា ចំនួនគ្រួសារ ក៏កើនជាង ៦៤ ម៉ឺនគ្រួសារ អស់លុយប្រមាណជិត ៣០ លានដុល្លារ និងខែកញ្ញា គ្រួសារកើនដល់ជាង ៦៦ ម៉ឺនគ្រួសារ ។
សម្តេចបានបន្តថា ចូលដល់ ជុំទី ៣ គឺយើងបានរកឃើញចំនួនគ្រួសារក្រីក្រនាខែតុលាការកើនឡើងច្រើនជាង ៦៦ ម៉ឺន ជាង ស្មើ ៣០លានដុល្លារគត់ តែវិច្ឆិកា ចំនួនគ្រួសារក្រីក្រ កើនជាង ៧០ម៉ឺនគ្រួសារ នាំឲ្យចំណាយក៏ច្រើនជាងមុនក្នុងរង្វង់ជាង ៣០ លានដុល្លារ ។
សម្តេចបន្តថា ជារួមចំណាយសរុប ចាប់ពីខែមិថុនាមក គឺអស់ប្រមាណ ១៦០ លានដុល្លារ ។ ដូច្នេះ «អ្នកនិយាយប្រកាច់ប្រខូចរាជរដ្ឋាភិបាល ឆាប់ចេញមុខមក» ហើយសម្តេចក៏បានបញ្ជាក់ថាថ្មីថា អ្នកត្រូវចាំឲ្យបាន ហ៊ុន សែន មិនឲ្យពលរដ្ឋណាស្លាប់ដោយអត់បាយដោយយើងមិនដឹងនោះទេ ដូច្នេះក្នុងឋានៈខ្ញុំជានាយករដ្ឋមន្ត្រី ខ្ញុំមានសិទ្ធអាកាច់ ផ្តល់ជូន ៣ ខែបន្ត ខែ១ ខែ ២ និងខែ ៣ ។
សម្តេចបន្ថែមថា ចាំដល់ខែ ៣ បើមិនទាន់ស្រាកស្រាន្តនឹងត្រៀមបន្តទៀត ព្រោះថារាជរដ្ឋាភិបាលបានត្រៀមលុយ ២០០លានដុល្លារសម្រាប់កម្មវិធីនេះ រក្សាមាសនៅស្វីស និងក្រុងឡុងដ៍ យកមកប្រើប្រាស់នោះទេ សូមកុំច្រឡំ ព្រោះចំណូលរបស់យើងមានល្មមគ្រប់គ្រាន់ ៕ ដោយ rssk-news និង pnctv